لاد المنيعـي تحتميهـا لارقـص شيطانهـا

قال الذي عن صلب معنى القاف ماعمره خرج
الى نظم غر المعاني باخصٍ ميزانها

سلام تسليم الوفا والقاف لامنه اندرج
تلقى تواقيع النشاما للوفا عنوانها

على حليف الطيب والطولات والعليا فرج
ثنيت قاف المدح والأمداح يعرف شانها

للي ليا شاف النشاما والمناعير ابتهج
المرجله هو شبلها والطيبه سلطانها

اللي على نهج الجدود اهل الشكالات انتهج
كفو الرجال اللي حمت من ضدها حدانها

لو المراجل وصّفت بنتٍ تحلّت بالغنج
شامت لراعي المدح والامداح في قيفانها

عدال صعب الحال لامنه تسمى بالعوج
صان الفعول اللي فعلها والمواقف صانها

من لابة يسمع بعلم افعالها راس السنج
لاد المنيعي تحتميها لارقص شيطانها

نعم الرجال ان ثار مقباس الحرايب ثم لج
تلقى فعايلهم على وضح النقا برهانها

واختم كلامي بالصلاه اعداد من صلى وحج
على نبي الامه اللي جاب خير اديانها