ضحك الاطفال

إن كان تنشد يارفيقي عن الحال
أبشرك مافيه شئٍ أقوله

الحال عقبك ماتغير ولا زال
إلا إن سعدي غاب نجمه بأفوله

إلا إن قلبي امتلأ شوي غربال
والنفس ظاقت واثقلتها الحموله

والورد ميت من زمانٍ على جال
ذيك الليالي المظلمات المهوله

والدمع ناشف ماتزحزح ولا سال
ما عاد به شئٍ ٍ يسبب هطوله

ولا عاد يغريني تراحيب ووصال
القلب شارد من زمان بذهوله

والدرب موحش لا مرافئ ولا ظلال
مجدب طريق العمر عرضه وطوله

والضحكة اللي تشبه لضحك الأطفال
عني سرت فكل يسر وسهوله

هذا زمانٍ ممتلئ حدّه هبال
عدت سنينه من يديني عجوله

جف القلم واستسلمت كل الأمال
ماعاد ألمح أي شئٍ أنوله

غنوا لوقتي لا بدا فيه مهيال
وإلا ياتردّا هللوا وصفقوا له

وابكوا معايه كل ماصاحبي قال
قفى ربيعك والحلا والطفوله