وقف هنا يابايع الصبر لحظات
وقف هنا بعطيك عمري وصبري
عمرٍ خذا من جاير الوقت لوعات
وصحايفة بالهم والحزن تغري
عمر ٍ قضى مابين روحة وجيات
راحت حياته بين يمكن ومدري
وكم قلت لك ياحزن بالذات بالذات
لاتقطف أحلام المساكين بدري
لاتاخذ أفراح السعيدين حزات
حزة رجا مابين نورٍ وفجري
عطهم دقايق حسبة العمر ساعات
بين الرجاء واليأس تمضي وتجري
وأنا كذا أيام عمري تعيسات
وسحايب الحرمان تسني وتسري
مرات أعيش العمر سعد ومرات
يقضي علي حزني وهمي وقهري
ومرات أعيش العمر لوعة وحسرات
ومرات أعيشه نار تحرق بصدري
ومرات أعيشه حظ وافر وخيرات
ومرات أعيشه حظ نحس ٍوفقري
وهذي أنا مابين يمكن وهيهات
مقبول عذر الوقت ومدموح عذري
ومعك أمانة يا رسول النهايات
أمانتك عمري عزمي وصبري
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.