يابو تركي

يابوتركي ياولد شايب غالي
له غلاة وسط الاعماق منزلها

ودي احملك ماجابه البالي
من بيوت بالضماير انمثلها

اركب الجيب السفاري وفالحالي
في طريقك دوك امانة توصلها

ولركبته في ذرى ربنا الوالي
واهل المعروف ربك مجملها

ولرياض العاصمة روح طوالي
عند بيت القرم لازم تنزلها

وبلغة ليه سلامي بمرسالي
مبتدى السنة بناس نقابلها

مانسيت اللي زهم رقم جوالي
وابتدى في كلمة الطيب قايلها

موقفة مانساه في كل الاحوالي
جعل نفسة ربنا مايعللها

الوفاطبع الوفيين مازالي
هوشعار القرم بالوقت يحملها

ياعبيد الله يطيبلك الفالي
في علوم الطيب نفسك نحصلها

جعل من عقبك في جنة العالي
وانت نفسك ياعسى الله يطولها

والتحية عد ماوادي سالي
يمكم ياعبيد ملزوم نرسلها