(إلا المساجد).. يا فريق الإزالات

اللجنة اللي.. (قزرتها) إزالات
شالت مجالسنا.. وقلنا سهالات

غصبٍ علينا نقتنع بالإزاله
ما دامها فعلا.. زيادة مسافات

بس المهم اليوم.. غير المجالس
اليوم إزالتنا عليها.. خلافات

اليوم.. إزالتنا تزيل المساجد!!
يا ناس.. خافوا ربكم و(الدعوات)

هذي بيوت الله.. ودار العباده
اللي تزيد بداخل النفس.. راحات

اللي تعز القاع لا من.. علتها
وتعز منهو فوقها.. خاشع الذات

ما هيب (حي الله) مباني تهدّم
هذي طهاره.. غير كل الطهارات

أستغفر الله!! ويش صار فبلدنا
صرنا (خبر عاجل) بكل المحطات

الله يعزش.. يا كويت الكرامه
والله يعز الشيخ.. ويبيح الأموات

الشيخ أبو ناصر.. صباح الصباحي
اللي ركز في ديرة العز.. رايات

وأنا بقا لي بيت.. ودي أقوله
رسالةٍ تسوى جميع.. الرسالات:

زلتوا دواوين النشاما.. سكتنا!!
(إلا المساجد).. يا فريق الإزالات