سنا القمر والليل والاحساسي
البارحه محيين عندي سهره
نسيت فيها دنيتي مع ناسي
سكره غرام ويالها من سكره
مثل المطر ماينعش اليباسي
ينعش خفوقي من وساعك نظره
في وسط عيني والهدب حراسي
والبيت بيتك وانت راع الدبره
لو بجمع انواع الذهب بكياسي
يمكن يساوي من جديلك شعره
غلط غلط لو بجمع الاماسي
نظره من عيونك تعدا سعره
يالي تقول اني عنيد وقاسي
ماني كذا والي جعلنا خشره
محتاس انا ماترحم المحتاسي
الوقت جاير واليالي غبره
واليا طرالي ماطرا في راسي
هليت من صافي عيوني عبره
يضيق صدري واحبس الانفاسي
حتى المكان يضيق في بكبره
اضحك على روحي يا كني ناسي
وانا لك الله مانسيت العشره
اواسي الخفاق وش بواسي
صبر صبر يالين كمل صبره
الحزن فيني ماهو بينقاسي
انا غشيمن والزمن يختبره
بغيت اعبر واشتكا القرطاسي
وبكا القلم يالين خلص حبره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين