الحسن والذوق - سالم الحويله

يوم اقبلت تمشي وحدها وبرفوق
خطواتها يحتار منهو حسبها

تجمهروا من حولها داخل السوق
كل الخلايق واستشاروا غضبها

استرسلوا نظرات الإعجاب بالبوق
والكل متولم يلبي طلبها

وقفت تناظر زينه الحسن والذوق
واستنفرت كل القلوب بسببها

مرت وأقف ووقفت بلا عوق
وشفت الحلا أجمل وأجمل وابها

قالت عسى الشاعر تحرك بها لشوق؟
يوم ان روحي بالقصايد سلبها

قلت أنني تعنيني أنا؟ طالعت فوق
ثم دنقت وابدت معالم شغبها

قلت البشرى يا فاتنة كل مخلوق
لك شاعرك كل المعاني جلبها

تفاخري ثم فاخري كل غرنوق
يالولها يا درها يا ذهبها

لك مي العب لك على كل طاروق
مشايل محدٍ سوايا لعبها

قالت وداع وكن بالمحجر يروق
ثم سلهمت برموش يسحر هدبها

© 2024 - موقع الشعر