اللاند كروزر

يالله يلي عليم وفوقنا مرقبي
ياخالق(ن) البشر ومسير ارزاقها

ارضاك يالله غاية قلبي ومطلبي
كل المخاليق ترجي عفو خلاقها

من بعدها راكب اللي كنه نسل الضبي
فزته مثل المشوك لحظة اطلاقها

جيب(ن) كروزر جديدٍ ماكسبه الغبي
وانا اشهدٍ خوته مايوم قد باقها

اذا مشى في ديار البدو يسبي سبي
ونداس له صاحبه مزنه وبراقها

كنه يقول لخويه يالشلي وش تبي
لاودك تسري تصل قدام مشراقها

لاساقه الشايب المعتوه يرجع صبي
هذي جيوب(ن) تسلي قلب من ساقها

الكاش فيه يهبي والشيك فيه يهبي
لاشك كل البشر مختلفه اذواقها

ياراعي الكابرس مامذهبك مذهبي
خلك بوسط المدينه دوج بسواقها

اما انا رغبتي بالشرق والمغربي
اجلس تحت شجرةٍ مخضره اوراقها

مع خويٍ شلي ومعرب المنسبي
يشب ناره وصيده علق اشقاقها

اذا زهمته يفز اتقول حر(ن)أبي
كلمته تبري جروحٍ داخل اعماقها

وختامها ياصلاة الله على آخر نبي
شفيع لمه لمنها يبست ارياقها