ياصاحبي شفني على كثر مافات
ارجع واقول بضيقتي ياحسافه
وارمي همومي في وجيه المسافات
والوم حظي واحسبه بالمسافه
اعضاء جسم(ن)عودت قلبها هات
والقلب صابر ماشكى بالكلافه
اجبر خواطرهم وانا خاطري مات
والطف اجواء النكد بالظرافه
اكتب قصايد في خفوقي مجارات
واحسب حسابي وآتحاشى اللقافه
يعني عطيت لكل عاشق دلالات
يسكنبها في وسط قصر الضيافه
ماهي محطه برمجت في عربسات
تبغا تعوض نقصنا بالسخافه
وعقولنا تطغى عليها قناعات
وقلوبنا تمرض بمليون آفه
شي(ن)بقوله محرق(ن)فيني الذات
وانقحه في طول عنق الزرافه
ماقيل قبلي رغم حشو المقالات
اللي عطونا جملته في الصحافه
ناس(ن)تحكم بالضماير في الابيات
وناس استغلت ضعفنا بالضعافه
تعال ناخذ للصراحه مساحات
ونصك بيبان الزعل والمخافه
ماطلعك ياصاحبي فرز الاصوات
وأنت الخليفه في زمان الخلافه
الله يجازيهم على هالمحابات
بعد الشتات اللي عطوه اللتفافه
ماللزعل فينا من العام شرهات
قلنا خطا ثم ابتسمنا لطافه
ياصاحبي خله طريق المطبات
بيت الله اولى نجتهد في طوافه
والا خسارتنا تراها سهالات
خل المهنا يهتني بالكنافه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقة و 59 ثانية
© 2004 - 2019 - موقع الشعر