ظلمني صاحبي - راشد بالكندي

ظلمني صاحبي أكبر ظليمه
ظلمني دون قدر ودون شيمه

ظلمني وصريت أنا بالظلم راضي
ولوهو مرتكب أعظم جريمه

بعد ما كنت له فالحب وافي
حبيبي راعي النفس الكريمه

جفاني ولا ذكر ذيك الموده
وتناساها ليالينا القديمه

جفاني وليته ألا ما جفاني
ولا سبب لي إجروح ٍ أليمه

يليته حس في قلب ٍ معذب
ونفس ٍ من عنى الدنيا سقيمه

غريب الدار والغربه مآسي
ماخاصمني الفرح وآنا خصيمه

بعيد ٍ عن هلي وربعي وناسي
ولا لي غيرهم ذكرى لزيمه

سهير الليل والسبه همومي
وعليه تشهد الدمعه اليتيمه

وانا يا ناس مالي غير رجوى
رجاي ومنوتي شوفت وديمه

ملاذي فرحتي معنى وجودي
نديمي فالهوى وآنا نديمه

غناتي روفبي عقبك تراني
أشوف العمر ماله أي قيمه

© 2022 - موقع الشعر