طالت السيره - فيحان الشغار

ياعبيد ماعنك خافي طالت السيره
النفس عن شفّها ياعبيد قاهرها

جاملت لاجل الحسب والناس والغيره
والربع الاصحاب مطلع من مشاورها

ولو طّول الوقت صعب يزول تأثيره
حيث ان الاسباب ماواحد يبررها

بعض المثايل عليّه حل تصويره
اصبحت انا راعي التجره وتاجرها

وش حيلة اللي بدى نقضه بتعميره
غلطة عمر من كتب في اللوح سطّرها

واليا تمعنت وضعي هان مع غيره
الله يجبر عزى القصه وشاعرها

ياعبيد من حّول الدينار للّيره
له نظرة ٍ ترهب العالم مخاطرها

لاتكره الامر يمكن في الامر خيره
يمكن يجي للبضايع من يسعّرها

للوقت مع دورة الايام تدويره
نشكي اليالي وبعض أيام نشكرها

رد الشاعر عبدالله العطني
نادر ومن ماكر الخمسه مواكيره

يوم المراجل تقيّس من مواكرها
قد قالها من حمد راسه تدابيره

اللي سبوقه على الفيضه محاجرها
فيحان فكره تسامى وانقطع سيره

وادرك ثلاث وثلاث قبل عاثرها
كم واحد ٍ ساق رجله مع سنع طيره

واجزل مكاسيبه اللي قبل خاسرها
من ظيّرته الليالي لاتجي ظيره

خلّه وكاسر ليال الوقت جابرها
وراسي لمسته بعد ماصابني ذيره

من وقت امحق وكف ّ الله ماطرها
الوقت ياصاحبي شر ّه غلب خيره

وقلوبنا خالفت دعوة منايرها
ومن غاب عّود بلا فيزه وتأشيره

وكل ٍ عمر فلّته وعبيد دامرها
© 2024 - موقع الشعر