بالتـــحديـــد والدقــّـــه - سالم محمد اليامي

وين آنت يآوآدي آلعشآق وآلرقّه
بنهل حروفٍ جميله مآتعآكسني

تمشى على حسب تفكيري وبالدقّه
كن آلشعر قآل فهمني ودرسني

وطرقت بآب آلقصيد بنفس مندقّه
في ليل برده يروعني وقآرسني

للي غلآته وحبه زايدٍ حقّه
من آخمص آلرجل لين آلرآس تآرسني

ممشوقة آلطول ذآت العود ممشقّه
ذآت آلقوآم آللذي بآلحيل يهوسني

وآللي من آلنور وآلبنور مشتقّه
مخلوق نآدر عن آلعآلم موسوسني

آطرق جمآله يشق آلكون ويشقّه
وآلموت حبه تلبسني ولآبسني

تفتر في دآخل آلشريآن وتعقّه
وفي وسط دمي يلآعبني وحآرسني

وآقول خلوه من كيفه ومن حقّه
يآمر وينهى وإذآ وده يفآرسني

لبنه مع آلقلب في آلدقّه وبآلدقّه
متوآجدٍ وسط خفآقي يحمسني

ولنه سوآليف عشقٍ فوق مرتقّه
من فوق كل آلبشر محدٍ ينافسني

كتلة وفاء وآلغلآ زآيد ومتنقّه
لبيه كلك وكلك ياملامسني

يكفي بأني وسط قلبه وفي شقّه
وبين الحنآيآ موزعني وغآرسني

ولآ سلب عقل شآعركم ولآ بقّه
إلآ غيآبه وإذا عصب يلآسني

يعني غيآبه يخرش آلكبد ويطقّه
وتعصيبته غيرته يبغى يحسسني

فيهآ صفآت آلبرآئه طفله ولًقّه
بآلشعر وآلحب آمآرسهآ تمآرسني

لآ عضت شفآتها ثم قآمت تُمقّه
كنهآ رضيعٍ يمق آلثدي بآلسني

ولو شآفهآ آلشيخ آبو لحيه ومتفقّه
ضآعت علومه وقآل آلله يحرسني

لآ يآعبيد خذ الخفآق قًم هقّه
قله خيآبه ترآه آقشر وحآيسني

في غيبته عبرتي بآلحلق وتشقّه
وآلصدر كآتم على آنفآسي وحآبسني

يآكبريآئي وكل آلنآس يآنقّه
من حبك الصآدق آلله لآ يفلسني

ويآغطرست شآعرٍ قآفه على آقّه
وآلعجز جآبه على شآنك على آسني

هذآ خفوقي معك قم فز ثم سقّه
وآسمع شطر بيت ثآبت ويتنفسني

آفهم كلآمي وبآلتحديد وآلدقّه
حبك على بآلحرآم إنه ينومسني

© 2024 - موقع الشعر