البارحه عيت عيوني عن النـوم - فهد عوض المشرافي

البارحه عيت عيوني عن النوم
القلب صاحي وطيرالنوم منها

حطيت نفسي بين ظالم ومظلوم
لقيت نفسي ظالمه في عملها

الهم طاولني وانا منه مهموم
حسبي على نفسي مطول كدرها

ماني صغير توني اليوم مفطوم
ولاني بجاهل حاجته ماعرفها

يالله يالمعبود يامكثر اللوم
تتثرعلى نفسي ويثمر جهدها

في طاعتك دوم وفي مسجدك دوم
يامطوع العاصي ونفسه رحمها

يطري علي غالي وبقول مرحوم
الموت حق وكل نفسن اسرها

وتطري علي اعلوم وعلوم وعلوم
يالله صبرني على اللي بعدها

تخنقني العبرهالا جيت باقوم
ولاصرت جالس طولت في سهدها

احس في قلبي وفي عيني اغيوم
وسحابتن تمطر عليه بمطرها

غرقت بدموعي اناكيف بعوم
وسط الهموم اللي غزير بحرها

يالله يا كاتب على عبدك الصوم
ترحم عيون طولت في سهرها

© 2024 - موقع الشعر