قحطاني

لـ علي بن نهايه، ، بواسطة علي ابن نهايه، في غير مُحدد

قحطاني - علي بن نهايه

هويته والهواء يهوى هواه اللي هواني به
وانا لولا هواه اللي هويته دام يهواني

على بحر الطويل اجر مواله واغنيبه
من حروف ٍ تمثلني والالحان الحاني

هوى هاوي هواه اللي هويته به ايا طيبه
ماهو بلسان نمام ٍ ولا هو لسان خرصاني

لكني لا بغيت اجيب بيت الشعر بآجيبه
بعد ماغوص في بالغبه تترجمني على شاني

حروفي في معانيها رصيد شيكه الهيبه
كفاني يوم اغني به ركب بالراس شيطاني

يباريني على العليا واكده كد ماشيبه
على در ب السلامه ما تجرأ يعصي الساني

عساني لا مشيت ابقى على المرقاب واوميبه
علم ربعي مجملهم بأسم يام ٍ وهمداني

لقيت بدربي العاصي قبيله دايم صعيبه
صعيبه للردي يشذب لها العرقوب بالعاني

رجال من بني قحطان تشوف الطيب في جيبه
يزفه للرفيق اللي يخاوي كل قحطاني

سلام الله سلام الله سلام عاوي ٍ ذيبه
على مرقابنا العالي مع مرقاب الاخواني

تجمعنا على العليا وكل ٍ صف ترتيبه
حروف الشعر تنصاني ولا قد جات تنصاني

ياكود بربعي الظفران سم الضد ومصيبه
وانا بإسمي بدى لساني وانا خابره بإحصاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر