ولع الجناب - احمد الناصر الشايع

يالله الطف بحال العاشق اللي عيونه ماتنام الليل
حاجته دونها الموت الحمر مار قلبه وش يسوي به

دونها اللي حماهم بالخطر يحتمونه في ظهور الخيل
من قردة نصيبي ويش ابي بالبلاد اللي لها هيبه

ابعدوا نور عيني وابعدوني قهر والله قوي الحيل
الغلا لاع قلبي والهواجيس تقبل به وتقفي به

ليت مابه غرام ولامودة وحبٍ مقتفيه الويل
من تولع مع الأجناب ماظنتي تكمل مطاليبه

صرت انا والطواري والهواجيس تال الليل حط وشيل
صاحبي غاب عن عيني ولا ادري علامه طول الغيبه

امس شفت الوحش والتين فوق السحاب وحدر نجم سهيل
شهد ان الصحيح يشاف واللي يعرف العلم يدري به

قمت اعدل وابدل مار ماينفع التعديل والتبديل
راح قلبي مع المحبوب بيدينه الثنتين يومي به

جعل دارٍ خذت زين التواصيف عنا مايجيها السيل
لو بغيت ارسل المرسول ماهوب داري وش معازيبه

مال وقت الهوى بأهل الهوى والغرام الله يعدل الميل
المحبه عذاب القلب والهم يصبح به ويمسي به

كيف ست وثلاثين اتعبتني ومية من معه تحليل
لكل الرابح اللي مايعرف الهوى والحب يوحي به

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر