يقولون امدحي غير إل سماك.. و فضفضي همك
وأنا عيا فضاي الا يتذاكر كوكب الغالين
يقولون امدحي لين الديم تمطر على رسمك
حشا والله عيت ديمتي الا تصب .. لعين!
يزعمون الشعر قول يقال وهو بس اسمك
ومبتور الشعر ما جردوا بيته من العالين
وش الأبيات غير سكات.. اذا ما فيها من وسمك
وش البحرين غير بكاة اذا سافر ولو يومين
وش أشعاري عدا بيتين الا سايره يمك!!
وكل هذي الرجال تهون وانت اللي وسطها تبين؟
سألتك بالرفاع اللي حوتك ودمها دمك
سألتك باسم المحرق ونسمه من هواها الزين
سألتك بأصفى الحنيني اذا انه بمايته لمك
بما تسقي عذاري من تحبه وفاكهته التين
بها عين الرضا اروي عنا هذي الورق ختمك
ترانا كلنا نطمع نرى من سولفوا به سنين
"حمد" لما يجي طاريه.. تدمع عين وتزمك
اذا ما انت ال سكنت العين تعصي ان تسمى العين
ولا يوم امدحك شعري.. لانه من مدح ذمك
كثير المدح يتحول بعد زينه لبعض الشين
اجر لك م الغلا موال... بلحن ن صادق عمَك
يا ابن عيسى ابن سلمان ابن الكرام والطيبين
تقبل وافر التقدير.. ممن يعجزه حسمك
عرفك الخير.. والا الخير.. شق لهيبتك بحرين!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقتين و 16 ثانية
© 2019 - موقع الشعر - بواسطة شركة المبرمجين