اسإلك بالله الأول بالقديم وبالصمد
يا الكريم ابن الكريم ابن الكريم ابن الكريم
ليش ما مثلك ولا قبلك ولا بعدك أحد؟
يا العطوف اللي تمثل فيه بالوصف الرحيم؟
يا سليل العز من جدٍ ومن جدٍ وجد
كيف عزك ما خذك للتيه من جاه ن مقيم
كيف علمنا بانسانك نحب بلا عدد؟
وكيف علمنا العطا لا صار فعل ن مستديم
كيف حبك حتى رمل الأرض ولحبك ولد؟
كل صرح وشق لجلك للسما ما شق غيم؟
يا هي البحرين تنشد واسمع اللي لك نشد
ويا هي في غيبتك تبكي وذوق ماها من حميم
كلنا ف طاري خليفة في سؤال الحال عد؟
كيف جمع هالوصايف واحنا في سين ن وجيم
كل ما فينا دعا له وكل ما فينا حمد
ربي نطق هالعروق وكل شئ ن حاء ميم
حبك ف قلبي تمادى وما بقى يوسع أحد
وظل معزتكم تهادى واتخذ شكل النعيم
وعالمين ن غيب والآخر قد تهيأ ثم شهد
وانت تشهد لك عيون الناس بلي بك يهيم
طول الله عمر من شيد قصوره والعمد
في قلوب الناس شيد بالغلا ملك ن عظيم
وصل بشعبه غلاه لما يسمى باسم ود
والغلا سلم يرقى ومن وصل قمة زعيم
منا من يهوى ببعضه بعض ناسه وعنده حد
وانت حبك كل وكله لي جذوره ف الصميم
