هبوب الرياح - مطلق الحريجي

ياهبوب الرياح اللي تمر الحصاد
خالطك ريح شيح وخالطك ريح شوق

كل ماجيت قالوا بعض ربعي براد
اتنشدك وانته في علومك صدوق

لا عنبوا غيرك الفرقا خذتني جهاد
وانت ياكبر حظك ماأنت مثلي شفوق

لو نشدت الورود اللي زهت بالحماد
كان ذابت عن الدنيا بنات الشروق

تنطوي لك عيون(ن)ماهتنت بالرقاد
تحتري جيتك لا جيت مثل السروق

وانت لا جيت يافرحت عيون العباد
هودت عين(مطلق) لاتخيل البروق

ابتسم لك خفوقن منطوي بالفؤاد
وارقصت لك فرح بالروح كل العروق

ماحسبت ان قلبي للمحبه يقاد
لين شفت العيون اللي تهز الخفوق

© 2024 - موقع الشعر