الفخر والعز قصرٍ وتبنيه الرجال
والمذله نار والضعف جحاد الجميل
والسبايب عذر والعمر معدود الليال
والسحاب إن جاد يتبع مع الارض المسيل
غايةٍ فيها معزه وطيب وراس مال
ماخليها يكود الهبيل ابن الهبيل
وكان مالك مع هل الخيل خيالٍ وخال
صار عندك رد فعلٍ وتحتاج الدٌخيل
وكان ماحصلت عزٍ على روس الجبال
وشتبي بالعمر لا صرت بالدنيا ذليل
ماخلقنا الله عبادٍ تهاب من السؤال
العقول تحل والعلم من نور الدليل
والطموح إن كان مابه عزيمه وانفعال
شرهة المحتاج لامد كفه للبخيل
والسنين اللي عطت ((بدر)) ماتنسى ((الهلال
والعيون اشتاقت لشوفت العلم الجليل
والرجال اللي فالها عز ودلال
تننخي يالا عنبوا من رضخ للمستحيل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر