سلسال فضه

لـ مشاري المري، ، بواسطة غادة العلوي، في غير مُحدد

سلسال فضه - مشاري المري

ياوجودي وجد من ماتت أمه في يديه
كاني أشكي كل ليله وربعي مادرو

أضحك الى جاو ضحكة معوق جا ذويه
وأقطف ورود الهجوس الكبار الى سرو

لأني لو أشكي لهم شي مما أشتكيه
حزنو جدا ولا قدمو ولا أخرو

ماأبغي أحزنهم بشي إنتهى اللي فيه فيه
والا انا لو أطلب عيونهم ما قصرو

آه من صبر الحياوي على هرج الشويه
وآه من قرع الضوامي من إمياه القرو

مت وأنا حي من شي ما أقدر عليه
ومن مكابد نمة اللي على النمه ضرو

قولوني شي ما قلته بنمطق سفيه
ويوم رحت أنشد عن اللي يقولون أنكرو

جعلهم فدوة تبسامة الوجه النزيه
اللي فيه عيون مغروره ومبسم غرو

وجه كنّه شيخ لوجيه حلوين الوجيه
يعلنون إله الولا لا تعشو وسمرو

وجه بنتٍ لو يشوفه بليد أصبح نبيه
ولو يشوفونه كبار العشاشيق صغرو

ولو تدوس برجلها وجه حيد أصبح جنيه
ولو تسولف مع يهود أسلمو وإستغفرو

أعشق حكاها وأحفظه وأقوله وأشتهيه
شهوة اللي لا أشتهو شي لجله سافرو

فارعٍ من شهر واحد وكل اللي يليه
وهي ما تنشد من خطاطيبها لو كثرو

راقده فسويت قلبي بحب وتحتميه
كنها . سلسال فضه على جاعد فرو

ماخذتني من حياتي وأنا ماقلت ليه
وأنا ماخذها من اهلها وأهلها مادرو

© 2024 - موقع الشعر