الصداقة - وبران ال كليب اليامي

ياصاحبي وانت لي لا ضاق صدري شقيق
يالابيض اللي سواد الوقت زاده نقا

يالمعدن اللي جمع قوه ووجود وبريق
يابرج طيب" يتقي من وراه اتقا

كم قلت لك واحذر اللي نام لازم يفيق
وياما سألتك ورى اللي خان بي وش بقا؟

الخاين اللي جعل كتفي لحلمه طريق
مايدري إن العمر حفنة اسنين امحقا

في وقتنا اللي زفيره خان عهد الشهيق
وفيه المنافق جعل صدقي إل كذبه اوقا

امسى صديقي عدو وعدووي اصبح صديق
واحترت مابين ألد اعداي

والاصدقاء
والطيب يصرخ على شاطي المصالح غريق

ويقول يالعصر الاول ياسقا الله سقا
مايلتقي في النسب راكان بآغا شفيق

وان التقا المشكله ماهي بكيف التقا
المشكله كيف ابلقى طب جرح الرفيق

لاصار جرح العدو طبه نهار
اللقا

والهاجس اللي نوى صدري بونه وضيق
ماله سوى الصبر مخلف هقوة اللي هقا

وانا عزومي بنت للصبر قصر" عتيق
وان رحبت بي سنين الياس قلت:البقا

والكتف دامه يشيل (ايطيق او مايطيق):
والله لأرقى جبال الطيب واللي رقا:

إن ماوصل فالصقر لاصار ماهو طليق
عذره امن المرقب العالي اسبوق الشقا

وعقب انكسار الصداقه وانتحار الصديق
معذور لو قلت مالي يوم طحت اصدقاء

© 2023 - موقع الشعر