كــل لـحـــظـه

إن ما ذكرتك كل لحظه و ساعه
و إلا تراني مرخصك عكس مغليك

وإن ما بكيتك حي وأنتي طماعه
و إلا تراني بايعك عكس شاريك

يالي زرعتك في عيوني زراعه
أسقيك دمعي حين تظمى ٌ و يرويك

ويالي عليك القلب زاد التياعه
مقدر على بعدك ولاني مخليك

شفني تراني ما تركت البضاعه
أرخصت لك عمري ولا نيب موفيك

ياللي تحديت الزمن و أتساعه
و خليتني ما بين هاذي و هاذيك

ياكم تمنيت اللقا بالشفاعه
ما غاب طيفك عن عيوني مخاويك

و إن ما ذكرتك راح عمري ضياعه
ببقى وحيد ً عاش صمته يناجيك