الريــــــــــــــــم --- - فرحان الراشد

انا يالريم زايدبي بلايا
ولافكرت اخونك يامنايا
 
وانا كلي فدا رمشك وعينك
ولاغيرك حبيبي ياهنايا
 
وانا عمري رهنته ياحبيبي
وجيت احطه بيدينك هدايا
 
انا اغليك يالغالي واحبك
وبحفظلك حقوقك والوصايا
 
وانا يالريم مفتون بحنانك
وتبقى وسط قلبي والزوايا
 
ودخيلك يانظر عيني دخيلك
تشوف احوالي وترحم شقايا
 
عليك الله يالمحبوب تشفق
وتعطف لاتسبب لي عمايا
 
وببقى دايم وافي وأصونك
ولاكدر عيونك بالخطايا
 
عرفتك زان حظي والموده
تزيد وزايدن لجلك غلايا
 
تمتع ياشريكي في حياتك
ولاتترك مجالن للوشايا
 
وتقبل مني يالمحبوب حرفي
وأبنثرلك حروفي لك عطايا
 
 
 
جريح الخطاوي ---
© 2024 - موقع الشعر