حمــــد - الاهداء الى الاخ العزيز حمد الدعيه دولة قطر - فرحان الراشد

حمد ذا العين سهرانه تبي شوفة حبايبها
تبي تنظر حبيب الروح في داره وش احواله؟
 
حمد كل الهموم اللي بقلبي هو سبايبها
بعيد ولكن بقلبي وقلبي زايد اوصاله
 
حمد مليت انا دنيا طوتني في غرايبها
حمد ادري اذا شفته يزيل القلب غرباله
 
 
احس الدنيا من غيره كثيره لي نشايبها
وأحس الكون من دونه كئيب وحالتي حاله
 
بعيد ومنحرم زوله وطايح في مصايبها
وجرحي ينزف بشده وقلبي ذا الحزن شاله
 
احبه واهجر الدنيا ولالي في طلايبها
وأصونه واحفظ اعهوده وحبي حيل يحلاله
 
حلفت اليوم مااخونه ولو قامت حرايبها
ويبقا دايم ابالي وانا دايم على باله
 
عذوبة صوته تسريبي طرب محلا طرايبها
وأتيه برقته وأجفا عيون الخلق وصفاله
 
حروفي قلتها لجل الغضي والروح اطايبها
وفالي شوفة الغالي وكلن ماشي ابفاله
 
 
جريح الخطاوي ---
© 2024 - موقع الشعر