مرثية امير القلـــــــــوب -- الشامخ -- - فرحان الراشد

تبكيك دار العز والحزن ينغز
بقلوبنا والشعب كله ابيبكيك
 
وكل الملا تبكي والكون ذا انهز
والارض تصرخ كل شي يناديك
 
يابو اليتاما والارامل ومن لز
عليه وقته قام بالضيق يطريك
 
يالشامخ الجامح ابفعلك ولاهتز
يالصعب ياذرب الفعول بياديك
 
يالصادق ابقولك والصدق لك فز
يالطاهر النادر وقمه معانيك
 
يالسمح في طبعك يالصلب يالرمز
ياراعي المعروف محدن يوازيك
 
يالوافي اللي بين شعبه اهو غز
كل الوفا والطيب وهذي مباديك
 
غلاك فينا بالحشا هو تمركز
وسيرتك تبقى دون ريبن وتشكيك
 
وندعيلك المعبود ياجابر يعز
مسكنك بالجنه وتشمخ مبانيك
 
قلت الحروف وفي وصوفك ابنعجز
وكل الحروف الساميه ماتوفيك
 
جريح الخطاوي ---
© 2024 - موقع الشعر