لا تطري الـفـرقـا - محمد عبدالهادي المري

لا تطري الفرقا ولا تقول باروح
الروح قبل أتروح خذها أمانه

ذبحتني بحبك وأنا فيك مذبوح
ورهنت قلبي لجل عينك رهانه

أتذكرك يوم المحبه لهاروح
يوم إن غلاك بخافقي له مكانه

أتذكرك يوم الوصل كان مسموح
يوم الليالي علمتني حنانه

أيام راحت كلها ضحك وأمزوح
لاكن ضروف الوقت غير زمانه

لامن ضواني الليل زاد السهر نوح
واعزتي لقلب ن تعذب عشانه

أسهر وانا في غيبتك كلي أجروح
وصار الحزن بيني وبينه ميانه

أسهر ودمع العين في ناظري يفوح
وكبدي من جروح الليالي ضمانه

جرحتني ياغاية القلب والروح
وأسقيتني مر العذاب وهوانه

مبطي وانا قلبي من الحب مجروح
وعقب البطا شفت القهر والخيانه

© 2024 - موقع الشعر