ياخوك

ياخوك ما خذنا من ايامنا شي
وسنيننا راحت على غير شيا

عشنا نبي هذي وهذي وهذي
وحلم حلمنا به وهو ماتهيا

ياما زهمت ايام وقتي وهي هي
واليا بغيت الحظ ياخوك عيا

اطرد ورا هذي واعود على ذي
واللي نبيه اهناك دونه احميا

تاقف لنا الدنيا وهي تنطوي طي
والعمر يفنا والليالي تغيا

واهل الرخا ياخوك راحوا ولاشي
زدنا محبتهم وزادوا جفيا

وانا من الايام ياخوك منهي
وافهم ترا ياخوك مابه مليا

اليا مشوا الاصحاب فالطيب تمشي
وان جنبوا حاول تجي في نحيا

وان كان ماطاعوك عن دربهم عي
واترك طريق اهل الجهل لو تهيا

ومالا مشا في طاعة الله وهوحي
ماتنفعه دنياه ميت وحيا

وياخوك لو خذنا من ايامنا شي
ماراحت اسنين العمر دون شيا