اخفيت دمعي والصدر فيه ونه - محمد بن مشاري ال دغمان

جاني الظبي يعزف على القلب فنه
مالك فوادي لاخشير(ن)ولاند

يغليه قلبي دايم وله محنه
مالي حياتي منظر بعيني لحد

يوقف اقبالي مادراى العودعنه
يرسل سلامه بالنظر لي واناارد

وان جاء الدمع ينزل من العين كنه
اصيل مايعرض على الناس له سد

طلت قمر ياناس والشعر كنه
سواد ليل(ن) كاسي المتن والقد

لين الغصن ماخذ طراوته منه
والورد ماخذ من شفاتيه والخد

واذا وطى بارض(ن)قلبها لجنه
فيها القمروالورد والغصن يرتد

تخشى جميلات العرب لا يجنه
خلي معاهم يقلب الحسن للضد

كل ماتصل اجيه من غير منه
متحدي(ن)درب المخاطر ولا لد

ملعون شيطان(ن) فرقنا بضنه
الي بناء حاجز على طول ثم سد

صدق كلام الناس والحرب شنه
عقب المحبه والغلا وصادق الود

اخفيت دمعي والصدر فيه ونه
يوم(ن)لقاني داعج العين ثم صد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر