قفا نبك - سلطان بن دحيم العطاوي

ادبك ما دام انك تروق على الدبك
وانا ليا حل اخر الليل ببكي

على زمان راح يومه( قفا نبك)
و(يا نار شبي من ضلوعي حطبكي)

تشبكني ظروف المحبه معك شبك
واصيح يا قاضي المحبين واشكي

عليك حالي في الهوى مرتبك ربك
مدري وش اللي صابني من طرفكي

اسبك لك احروف الشعر في الهوى سبك
واظن ما احدٍ قادر يفك سبكي

وليا سمعني صاحي العقل قال ابك
اتعبت قلبي ما دري عن تعبكي

كانك كذا راضي ضميرك ولا انبك
الله يعوض ما تلف من سببكي

هذا انا ما زلت احبك ولا ارغبك
مركيك يوم اني على العز مركي

© 2024 - موقع الشعر