كتبها في دورة الصاعقة . جديدة - ناصر بن حمد آل خليفه

قال الذي عن هزل الاشعار شايم
عنده لجزلات المعاني مفاتيح

شاعر ولا اخشى فالشعر لوم لايم
والعب بشعري مثل لعب المسابيح

اقلط على الجزلات مثل الولايم
على فقار الحيل والمفاطيح

واسكر على الفزعه وحذف العمايم
وافرح بشوف اهل الوجيه المفاليح

وان عودت مابين قاعد وقايم
من عادتي لا نيب لا اقعد ولا اطيح

يابوي والله ماعرفت الهزايم
مادام نورك في دروبي مصابيح

لجلك ولاجل ارضاك سقت العزايم
امشي سوات السيل واعصف كما الريح

والي تكلم عاذلي بالنمايم
والله لازيحه عن طريقي ولا ازيح

والله مايقدر على اللزايم
ولا يحصل من وراي المرابيح

وكأنه يحسب الجو كاتم وغايم
ترا المطر عقب السحايب المراويح

حنا لها لا حام فالجو حايم
نارد على حياض المنايا مشافيح

حنا رجالك في نهار العضايم
ازحول ومطنخ وروس وزحازيح

الي ركبنا معلقات الشكايم
نذود دون الدار والفطر الفيح

ياسيدي جبنا لك اكبر غنايم
والنصر واضخ مايبي اي توضيخ

على النقا مافيه بايع وسايم
وماظنتي للصح يحتاج تصحيح

هذا كلام الصدق والصدق دايم
وقبل انتهي ودي اصرح بتصريح

دامك معي هايم وانا فيك هايم
والله لا اقول لساير الناس فقريح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر