البوصله

انت عارف من زمان الوضع وانت ادرى به
السهر والليل والذكرى وش ايجمّعها

ليتها الصدفه وقلبٍ ما جفوه احبابه
يمكن اني وقتها ما احس بمواجعها

وايّ صدفه !!! وانت ياكل الهوى واسبابه
لك من الحب الثلاث سنين ذي رابعها

والزمان وما حسبنا للزمان حسابه
اثرها على مقولة ماتطيعك 0 طعها

والغصون الذاويات في انتظار سحابه
والرجا مابين ينفعها وما ينفعها

والهموم وقامت تسوّي عليّ عصابه
اثر يوم انك هنا كان الحيا يمنعها

ويش هو شيٍ محمد عقبكم يسلى به
خطوة الذكرى على دربك وقلبي معها

انت شفت البوصله 0 قلبي وهي تتشابه
دايمٍ متوجهه على الشمال اصبعها