بعلـن وداعـي

كني معك هامش وانتي الأصل كلّه
لا جيت انا حامش هدّيتي أوضاعي

موّال كل ليله مكتوب ماملّه
اشيلك بقلبي وأسكّر أضلاعي

أشكي لك الحاله ياكم بها علّه
وتسقيني من هيلِك مايشفي أوجاعي

صرتي لي القهوة وأنفاسك الدلّه
كلما تخيّلتك مدّيت بذراعي

ألعب لك أبياتي وأنشد لك الشلّه
أحييك حفلاتي وانتي لها الراعي

أهدي لك إحساسي وأقول ياخلّه
شبيك لبيكِ عالسمع والطاعي

لي قلبك المرسى باشِد وآصلْ له
أبنهي الرحلة وأبحزم شراعي

دامك تيقنتي منهو الأصل كلّه
إلى هنا حدّي وأبعلن وداعي