الملك حمد بن عيسى ملك البحرين - يحيى ال بالحارث

اهداء متواضع الى الملك / حمد بن عيسى ال خليفه ملك مملكة البحرين الشقيقه حفظه الله ورعاه
(مقدمة) باللغة العربية الفصحى

يقولون بأن الشعر منبعه جبال الجان
وانا شاعر وأقسم انني لم أرقا عاليها

ويقولون بان الشعر بالفصحى له لونان
وانا لا اتقن الفصحى ولا اتقن قوافيها

لذا استاذنك ياسيدي أغير القيفان
واقول ابيات بالشعبي لاجل ارتاح والقيها

بالشعبي
حدب السيوف وشاعرك لا جا سموّك رحّبوا

هلا هلا يامن بنا مجده على صدر الزمان
ولا قالوا ان المملكة رمز العداله والعلو

فان انت سيدي رمز الشهامه والامان
(حمد)(حمد) لاقالوا اسمك صحت بالعالي كفو

كفوكفو ياقائد البحرين ياجزل المعان
ولا صارت الدنيا صغيره في وجيه اللي حبوا

فانت انت سيّدي رمز الابوّه والحنان
ولا صارت الدنيا صغيره في وجيه (أم) أو(أبو)

فانت انت سيّدي رمز الكرم والاتزان
ولا غاروا الشّعار بعدي ثم لشعري ندّدوا

فالشعر في حضرة سموّك فخر لي ولذا المكان
وان قلت لي بيت(ن) وأعجب ذا الحضور وصفّقوا

وصفّقت معهم يا(ملك) فاناشهد ان ذالليل زان
وان كان لي حظ وزرعت الابتسامه في ( أبو

سلمان)فلا عاشت ولا عادت سنين الاحتقان
والمشكلة لا صار شعري مثل شعر اللي هبوا

ما يكتبون الشعر الا في ليالي الدان دان
وانا انا شاعر واحب انا انا شعر البدو

وماحب اوصّف فاتنه او راقصه بالمهرجان
تكرم ويكرم مجلسك يا سيّدي مما حكوا

اشعارهم ماتنحكى الا على جمع الهوان
مجلسك مجلس عامر بصفر الدّلال وارحبوا

ثم ارحبوا ثم ارحبوا ياضيوفنا خمس وثمان
ولو شفتني قدّام عينك سيّدي أرجف ولو

ماشفتني قدّام عينك أرتجف كبوة حصان
لك هيبة(ن) ياذا الملك يابن الملك هيبة سمو

الله يحفظك ويعزّك لابدا علم(ن) وشان
ويحفظ لنا خليجنا من هالجموع اللي غزوا

بافكارهم صفحاتنا البيضا بفكر اسود مهان
ويحفظ لنا حكّامنا اللي على العليا رقوا

حمد-حمد-عبدالله وجابر وقابوس العمان
وخليفه-وكل الخليج اللي على الوحدة ربوا

(خليجنا واحد) ومنهجنا مواثيقه متان
عاداتنا نصمد وناقف في وجيه اكبر عدو

وماهمّنا كذبة حسود(ن) او حقود(ن) او جبان
حكّامنا يسوون ابوه وجدّه وعمّه وهو

ماهو بكفو الا بتأليف السخافه باللسان
حكّامنا تاريخهم أبيض وللصاحب وفوا

وقصورهم ما ينسمع فيها سوى صوت الاذان
ولا خلّص المذّن توضوا للصلاة وكبّروا

تسنّنوا ثم أدّوا الفرض لاله(ن) مستعان
أقولها وانا خليجي وانت ياصاحب سمو

(ملك) عسى ربّي يديمك لا غدا وقتي وشان
حمد حمد حمد حمد بالله دايم ردّدوا

نعم المليك اللي بنا مجده على صدر الزمان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر