قصيـــــدة العـــز

يعل رجل تسوقني صادق اليبس
لا صرت ماني مفخره للرجاجيل

والعز ماهو بالملايين واللبس
العز مالي رؤوس ناس(ن) مشاكيل

حنّا بني يام نظاهي الروم والفرس
يوم الحروب بصادق السيف والخيل

وحنّا ولدنا بالميادين يدرس
ماهي دروس النصب والقال والقيل

وانا على اللي فات ماني (بمحتس)
دايم افكر في ليال(ن) مقابيل

الله حسيب الجن والكون والانس
مع وافيين العلم يخلق مهابيل

اللي على الاشواك يمشي ويدعس
يبشر يجي له يوم ياصل مواصيل

واللي على الدشّات لاهي ومندس
قدره مثل (هيفاء)و(ميشو)و(دانييل)

وياللي نويت العيب يا( ثالث الجنس)
ياللي تبدّل خلق ربي بتبديل

الله عليك اكبر يا حيف يا أخس
ياللي تنزّل رؤوس ربعك منازيل

البارحة صفّقت خمس(ن) على خمس
من هول منظر هوّل العقل تهويل

شخص(ن) يناظرني ويسألني (وت ذيس؟)
قصده شماغ(ن)صنع الاجناب دنهيل

قلت(ااار يو ماان) هز راسه وقال (ييس)
يانعنبو جسمه كما البنت تفصيل

نفس(ن)تقول اطبع بوجهه مخمّس
ونفس(ن) تقول اش لك وهوشات (خنطيل)

الفرق واضح بين هاليوم والامس
ياسعود مثل الفرق بينك وميشيل

بالامس كنّا بالقمم دوم نجلس
واليوم محظور التّجوّال بالليل

وكنّا نطبق مبداء النفس بالنفس
واليوم (صربي) يقتل الفين(جبريل)

وهالجيل يعشق صورة( الدب) و(البس)
والجيل الاول صورة (سهيل) و(السيل)

وهالجيل يعشق حفلة الرقص والانس!!
والجيل الاول حفلة الحرب والويل

الله حسيب الجن والكون والانس
والا انا وش لي بهالوقت وهالجي