نعم يا مملكة عزي - ولاء عواد

برتل أعظم حروفك..وأبيها تشهد الأزمان
برتلها على كيف السطور اللي بها تعلين

أببدى من شواهقها وأرتب قمة الأوطان
لأجل عبدالعزيز اللي فداها و إنتشت السنين

بدى أول مراسيم الوفا وبعينه العرفان
بدى يرسم شعاراتٍ علا في سرجها الجبين

عرفنا من أبو تركي نزلزل هامة العدوان
يعلمنا بجزيرتنا أبد مانعرف الجزئين

بدينا نعتلي مجدٍ عسى الله يرحم الفرسان
سعود ومملكة فخري بملكه دايمٍ تزهين

عرف ياخذ سيوف المجد ويبتر معتدي خوان
تمكن والولي شاهد بذمة ديننا تمشين

على نهج النبي تبقى وتعلى كلمة القرآن
على راس العلم شاهد عظيمه دايمٍ تبقين

وفيصل مبتدي التوحيد أبد عن قدرهم ماهان
يجي عقب الفخر خالد يا عين لمجدهم ترثين

لأن محمد الباقي عزفها وإرتقت بألحان
على أوتار القلوب اللي بها يا دنيتي تسلين

لأن الحق هو حق الملوك اللي لها عنوان
فهد في دارها عرشٍ ومجد بعزته ترقين

فهد لو فج به صدره يفج برايته بركان
يفيض ويعتلي قومه قروم المملكه الباقين

يمر العيد بعيونه ويثمر بالفخر بستان
ولي العهد عبدالله على متونه سحب تلقين

يطرز بالعلا مجده أبد ما يعرف النسيان
لكم وسط العدل شانٍ وحكم لعزته تقرين

لكم دار ولكم أرض ولكم شعب ولكم نيشان
عدلتي وفوقنا رب برضاه وطلبته تروين

أنا يا مملكه جيتك أترجم بالشعر ماكان
من كويت الفخر أسعى إلين تعيشنا فلسطين

أجيج وشيخنا جابر على عهد الوطن سهران
من أرض الجرح ناديتك قبل لا نعرف التسعين

قبل يكبر بنا عشقك وهذا اليوم بك فرحان
نعم جيت الوفا كله فهد وملوكه الوالين

وجيت أبحث عن عيونك لقيت المجد به سلطان
لقيت الفارس الشامخ رسم بعهودك التكوين

سليل المجد والهمه أميرٍ بالوفا إنسان
نعم سلطانها سيفٍ تسله وتلعن العادين

رياض المجد ياكلي علا في رايتك سلمان
رقى مجدك وتاريخك ودوم بخطوته تخطين

يجي في حكمته نايف بحر وكنوزه المرجان
يحط إيده على عهد الحقيقه شامخه تبقين

مدام أحمد تواصابك أبد ماكان بك غلطان
مشى في دربه العزه ولا مره أبد تشكين

أبارك بالهنا عيدك ومجدك يعتلي العمران
و"عبدالرحمن" فارسها حفظ فيها عهود الدين

عرف يكبح بها لجام الحقيقه والخطا عطشان
عرف يرقى على متون العدل يامملكه وتدرين

وعبدالمحسن الوافي على صدر الفخر ألوان
عسى يا روحه العليا بجنات الولي تهنين

وتركي بذمة المولى نعم في ذمة الرحمن
ألا يا مملكة عزي حقيقه بالفخر ترسين

زهى بعيوننا عيدك وعيد قلوبنا نشوان
وآل سعود به قمه حقيقه مابها تلوين

زهت روح القصيد اللي يرتب بالفخر قيفان
يرتبها على قلبي وأجيها أرفض التعيين

أبي أنثر هوى روحي وأبلعن داخلي الأحزان
لأن العيد هو عيدي تعدى الأربعه وعشرين

تعدى الكل يا كلي وقلبي بعزتك قد زان
نعم هو فخرها سبعين يتوج دربها بأثنين

يتوجها مسير الخير....يوزع عالشعب تيجان
ويلبس ثوبه الأخضر بعامه الثاني والسبعين

بهذا اليوم كل طيرٍ عبر عن أرضها طربان
خذته العزه لعيون الجزيره اللي ملاها الزين

خذته ورفرفت عالي وراية غيرها تنهان
نعم رايتنا تتجلى ياروحي بالفخر تسمين

سعودي دارك العظمى نعم في عيننا تنصان
سعودي إفتخر إنك بأرض المملكه لك عين

وصلي عالنبي دامك عدلت بكفة الميزان
نعم يا مملكة كلي مدامك للعدل تحصين

وآل سعود هم مينا يشيلو بحقهم غرقان
يساند قلبهم طيب القروم اللي لهم تشرين

نعم تشرين في طيبك وعدلك ماعرف حرمان
تمدي يدك الخضره قبل لا يقول لك تكفين

تسوقين العدل دايم تسوقينه نعم من شان
عدوك لو لمح طيفك يعرف إنه حقيقه شين

يعرف المملكه تاجه وجذرك بالعطا شبعان
فهد سيد الملوك اللي لعرشه بالوفا تصونين

وماجد عيننا ياللي رحل من قمة الشجعان
عسى الله يرحم ضلوعه أبيك لرحمته تدعين

وبدر اللي عبر طيفه...أميرٍ بالعدل هيمان
أخو نوره تعلى به بعين المجد له جيشين

نعم عبدالإله سراج يباهي عزة الأكوان
يباهي دارها بشته ويرقى صدرها نورين

ومشعل ماسةٍ تعلى بتاج المملكه وتبان
وقف بصفوفها الأولى أمير لعزته توفين

فهد غيث العرب باقي...جبين المملكه..كحيلان
عسى اللي بأمنكم يعبث يادار لهمته تنهين

ترى جيتك أبارك لك ويعلى في عيونك شان
مثل ذاك العلم يعلى وأشوفك للشعب تحمين

من صياح الوليد إليا عيون المحتوي العشقان
أحبك ألف لا مليون لا مليار..أبي تعدين

أحبك لين يتشتت هواي بأرضكم ويدان
يدينونه من الغيره وأبيك تزودي بالدين

أنا عندي ثقه وأكثر وعندي بالفخر إيمان
إذا بلثم هوى ترابك آلاف بداخلي تحيين

وأزيدك بالشعر بيتٍ وبيت لحالتي شفقان
ملكني حبك العاصف عظيمه فوقنا تمرين

فهد خادم لبيت الله وفارس همة العربان
مناره شعشع وهلا مدامك للرضا تنوين

ملك وعيونه سيوفٍ وربه للنصر قد عان
يديم الطيّب بخيره وعدله للقروم يعين

سعودي والفخر يبقى عظيم وفهدنا ربان
علا في مركب التوحيد علابه والنصر نصرين

نعم يا مملكة عزي يا دار المجد والإنسان
شعارك كلمة التوحيد ونخله عانقت سيفين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر