أوجاعي

تِمكَّن يااخر أوجاعي من أخمص هالقدم للراس
تساوت عندي الدنيا بعد ماماتوا احبابي

وش اللي لي بقى حتى أداري واكبت آلاحساس
وش اللي لي مضى حتى أهج لنفحته بابي؟

همومي يابشر ظلي تردد بي مع آلانفاس
وقلبي مضغة ٍ ياما تداعت واظهرت مابي

تقاطيعي لو أتجلد واقول اني قوية باس
طغى جور الدَمِعْ حتى اشوف الدمع بثيابي

وماتت شعلة الدنيا وداااعا يااجمل الجلاس
وداعا يااطهر حروف القصايد داخل كتابي

انا مابي من الدنيا بعد (ماطيحوا هالفاس)
سوى عفو الكريم اللي بانوخ عنده ركابي

ألا ياحيي وميتي ومُتِّي ؟ يا(بعد) هالناس
بردد لك (بعد) مهما سبقتي حزة غيابي

أنا يادنيتي وياكل كلي بعلن آلافلاس
مدامك يااخِر احبابي رحلتي وباهجر ترابي

وداعا ياقسى ذكر الوداع اللي حداه الياس
كأني مت من قلت الوداع ومفرقي شابي

ومشهدك الاخير أقوى على نفسي من الوسواس
هذاك اسج عنه وذا معي مافارق اهدابي

ترى ماهو جزع مني ولكن الوفا نبراس
معك قبل الممات وبعْد ماسهم القضا صابي

اذا ماينتعل هالحزن روحي والحشا ينداس
احس اني منيب " هيفا " واعيد لحزني حسابي

تركتينا وكان أقصى طموحك واعذب الهوجاس
طفل لي جلجل ب "يُمَّه"سلب مع لبك البابي

وكانت غايتك ثوب الزفاف وبهجة آلالماس
تِحف بْك وتمنيتي ولكن الأمل ذابي

مضى يومٍ على موتك ولا فارقني الخناس
مشيتي في (دهر)دمي وسكنتي (معبر)اعصابي

ورحتي ؟ من بقى للطهر ياويلي من آلانجاس
سواد ٍ يطمس عيون البياض ويمحي (اقرابي)

كذا أعمتني الصدمه عدا عن مشهد آلادناس
وهم في غيهم ماكِن في (كُن) امرهم خابي

فداك اللي حَيُوُا بعدك مخاوين الخنا والكاس
نسوا من لانسى وعد ٍ قطعه مقدّر اسبابي

فداك العين ياشوفي أنا مابي بعدك نعاس
فداك الخاطر اللي من عذابك زِلزِل وطابي

صهرني موتك وقلبي فغمرات العنا غطاس
غريق ٍ مااحتمله الموج يوم انه تلوابي

ركيكه هالقصيده والكسور تعج منها بالقرطاس
فقدت العقل ياكيف ابركز واضبط (الباقي)