لا والله الا شدوا البدو يا سعود
وانا علي من المحاويل خيفه
دنوا لها ما بين عرو ومشدود
وقادوا لها ثلب يلاحق صريفه
شدوا وخلوا بيتنا يذرح النود
وهذي سواة البدو عجل النكيفه
جعل العوض فيهم هماليل ورعود
ونو لياما انحى يخيل قنيفه
ياخذ علينا من فضل راعي الجود
لا زل حل الصيف ورد خريفه
نرعى به اللي من الفحل لونها سود
خلفاتها تزهى الغضى والسفيفه
لا ما خذت محيان ثم صرب العود
ليهي معا القلاط ملحا خفيفه
هذيك والله منوتي يا ضنى الجود
الهرج واجد والحكى له طريفه
عينت انا قصر البداوه له الزود
خص ليا قاصرت ربع شريفه
يمضي عليك الوقت بسهود ومهود
وسوالف وسط المجالس طريفه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر