الناس ماتدري احاسيس المشاعر وينها .. - هشام سالم الحميري (شاكي الهم)

الناس ماتدري احاسيس المشاعر وينها
كلن ذكر ناسه وعقب المصلحه ماله كلام

وانا تعلمني الليالي بين زين وشينها
لان الردي طبعه ردي والزين مامنه ملام

ومخوتة الأنذال حد الله بيني وبينها
ابعد برجلي لجل ماتيه بمواطي هالظلام

مشكلة ابن ادم بجهله ماعرف تكوينها
والدنيا يا انك تسايسها وترقد في سلام

ولا تعيش بمر حالتها وتاكل طينها
وتهوجس بليلك وناسك كل بوها هي نيام

بالوقت نفسه قول ياوين المشاعر وينها
ناسن تكافح للبقى وناسن تعاتب لدوام

وناسن بكت من جور ماكلها وربي يعينها
وناسن تكافح للمصالح تمسك الماخذ لزام

وناسن كبر منصبوها يازينها وشينها
المفرق ان الزين يفرض هو وجوده ع الدوام

والناس ماتدري احاسيس المشاعر وينها
دام الخلايق تعرفك وقت المصالح والسلام

وانا تعلمني الليالي بين زين وشينها
لان الردي طبعه ردي والزين مامنه ملام

© 2024 - موقع الشعر