الاضاءه

لـ نواف الدبل، ، في غير مُحدد

الاضاءه - نواف الدبل

والله اني يوم اسولف ما تعمدت الاساءه
بس واحد حدني منه البروده تشتكي

من غباءه ما يسوي شي يظهر به ذكاءه
هو ذكي لو ما حدٍ شافه على انّه ذكي

فاهم الموضوع لاكن تنقصه بعض الجراءه
ليت من علَّمه يسكت علِّمه بعض الحكي

انطوائي وسط عالم ما تقبّل انطوائه
مجتمعنا ما يحب اللي لوحده متّكي

لو تلومه الف مره ما يبين استياءه
ما تعود يشتكي لو كان وده يشتكي

الغريب انه لعب دور الطفوله و البراءه
اختطف قلبي ودب.. الاشتباك المعركي

غيَّر ايامي اظاف لظلمتي بُعد الاضاءه
امتلكني لو سلوكه ما يناسب مسلكي

لا بغيت امحيه من قلبي .. يعزز استواءه
والله انه فوق عرش القلب الابيض مرتكي

المصيبه انه بدنياي يفعل ما يشاءه
هو حبيبي لو أقول انساه خل عنك الحكي

© 2024 - موقع الشعر