ضيقه

ضيقه تطاردني و انا ما بين اكيد ومحتمل
شيّن تحاوطني من الاربع جهات و لز ني

الظاهر انه يحسب الواثق شديد و ما زمل
ما يذكر الصدمه و ذاك الموقف اللي هز ني

وشفيه ينبش في جروحي.. جرح قلبي ماندمل
كنّه غدا ذا القلب مستمسك وهو يبتز ني

ساعات افكر و احسب انه صدق عامل لي عمل
شيّن على دربه رغم كل الحلوف يدز ني

اعرف كثير امثال منها لاسرقت اسرق جمل
هذا الذي كل ما حديت اخطاي عنّه وز ني

والله ما يقهرني الا قولته : مالك أمل
ما كنّه الا شي من جواااي.. يستفز ني

الوضع ما يحتاج له تعليق و الناقص.. كمل
عزيز لكن في يديه يذلني.. و يعزني

ما باقي الا شي.. ويطيح الجمل.. بماااا حمل
قشّه تحت رحمة يديه اذا طراله كز ني