وحشتيني ياأجمل سنيني
———————-
وحشتيني ياأجمل سنيني وحشتيني
ياأغلي حب وحنيني وحشتيني
أنا مشتاق لكي ياملاكي
أمتا تفتكري وتجيني وحشتيني
وألمس اديكي وأشوف عنيكي
يا نور عيني وحشتيني
*****
صوتك وحشني وضحكتك ومشيتك
وحشني كلامك وابتسامتك ورقتك
صوتك ياروحي بينسيني كل اللي فيا
وابتسامتك دنيا تانيه خاصه بيا
دنيا جميله مزوءه بكل الزهور
سحر الجمال كله فيها جنة عطور
ريحتها حلوه كلها نور علي نور
نور يفرح كل قلب ولو كان حزين
نور معيشني في سعاده وأجمل سنين
*****
حبيبي من بعدك بحس اني بقيت مسكين
قرب وعوضني ياروحي الشوق والحنين
قرب بسرعه قوام تعالا وضمني
لآحن قلب وأرق حب وحشتني
وحشتيني ياأجمل سنيني وحشتيني
ياأغلي حب وحنيني وحشتيني
*****
للشاعرة / نجوي أبو ليلة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.