خذت بيشة على الهامه عمامه

خذت بيشة على الهامه عمامه
وتلالا نورها وابها ابتسامه

سألت اللي يعرفون الوصايف
عن اللي صابها قالوا كرامه

كرامة زايرين في وطنها
فريق قاد ابو متعب زمامه

فقلنا مرحبا واهلا وسهلا
عدد ما هل قطر من غمامه

وعدد ما نبت من عشب الصحاري
وعدد ما هب من ذاري تهامه

هلا يا سيدي ومرافقينك
تمانينا لكم طيب الاقامه

فكم كنا لزيارك نتمنى
وكل شوف ابو متعب مرامه

ولا نقصد سوى شوفك وعطفك
قدام العمر لا يدني صرامه

فعسى الله يحفظك ويديم عزك
ويكتب لك على الحق استقامه

وانا ودي بتعبير مفصل
ابين فيه حكام الزعامه

اقدم فيه ابو فيصل سندنا
عسى الايام تمهل له الاقامه

حبيب الشعب ومغيث اليتاما
لى روس العدا مثل الرزامه

حكيم الراي حلال المشاكل
ليا ما صار في الموج التطامه

وابو متعب غني عن كلامي
لكن من زود حبه واحترامه

احب اذكر قليل من المزايا
تريح القلب وتفسر حلامه

ولي العهد محمود السجايا
كريم الخلق ورثه من عمامه

صليب الراس في يوم الملاقا
ليا ما صار في الامر ابترامه

وهو محبوبنا منا وفينا
تجاه الشعب ما لحقه ملامه

وسلطان وزير الجيش يحيا
عقيد الجيش ممنوح وسامه

قوي العزم في خوض المعارك
يقود الجيش ويتكتك نظامه

وباقي الاسرة حصون منيعه
كل منهم هبا العليا همامه

وحكومتنا نعدد من فضلها
علينا كل ما الانفس ترامه

ورثنا الخير من صقر الجزيرة
ابو تركي عسى الجنه مقامه

موحدها على حكم الشريعة
فصل بالشرع حل من حرامه

وتحياتي باسم سكان بيشه
لمن زار البلد وابدى اهتمامه

وصلاة الله على سيد الصحابه
وبسم الله فاله واختتامه