فرصة العمر

بالله قلي وش جرى لاتردد
مادام شفنا فرصة العمر تاحت

لحظة لقاء وافراحهاماتعدد
فيها الميانه بين الاحباب طاحت

واهل المحبه بالغلا ماتصدد
واسرارهم من فرحة الشوق باحت

ولاانت في حلو المواقف تشدد
وجروح قلبي من سوياك صاحت

قلت الغرام ولك مصيره تحدد
والعشق منه دمعة الشوق ساحت

هذا زماني في عذابك مهدد
ماضيه والحاضر لذكراك لاحت

لاصرت من شوفك همومي تبدد
وش حيلتي لاقلت الايام شاحت

جرح قديم وجرح توه تجدد
لاوحيت لي ورقا من البين ناحت

ياليت لحظات السعاده تمدد
ونشوة ختام المسك برضاك فاحت

كان الغلا من حس به ماتردد
بس البلاء لوفرصة العمر راحت