رسالة الى شباب الوطن

الشعر في عيني له أدوار ..وأدوار
تبرق بروقه ثم ترعد رعوده

الحمد لله وابتدا اليوم مشوار
مشوار جيل ونفتخر في وجوده

والحمد لله كل ما نادت الدار
قلنا الوطن غالي وحنّا جنوده

نحمى حماه وندفع اطماع الأشرار
بالدم والأرواح حنّا صموده

عند الوطن والعز يا رخص الأعمار
حنا شبابه دوم حنّا وقوده

كل ٍ يشمّر عن ذراعه ويختار
درب ٍ يزيد الدار عزّ ويزوده

شبابنا يشبه من الزرع الأثمار
أجدادنا تزرع وتقطف وروده

ولا خير في جيل ٍ على الدار ما غار
ولا خير في جيل بقلبه بروده

حنّا الضمير الحيّ في وقت الإعمار
حنا مشاريع البلاد وجهوده

حنّا لها نهضة معزّة ومقدار
وحنّا لها مجد ٍ بعيده حدوده

في ظل ابونا القايد الوالد البار
اللي فعوله طيّبه وامحموده

يشهد له التاريخ في كل الاخبار
وتشهد له أهل الطيب من طيب جوده

واختامها صلوا على سيد الاخيار
ولا خير في جيل ٍ بقلبه بروده