وش جابها في يديك تشيلها يمي
جمّع مناقيدك اللي جيت تنثرها

صحيح انا اعشق وسار العشق في دمي
لكن سوالفك نقص ولا تكثرها

ما خلقت اللي تنسيني حليب امي
ابيع كل العذارى لاجل خاطرها

اللي فرحها اشترت به حزني وغمي
ترجي ضناها عسى الله ما يخسرها

تفرش طريقي دعاوي بعثرت همي
يدينها للسما ويهل ناظرها

ابوس يدها واكف العبره بكمي
كل العظايم لها يا الله ما اصغرها

والجادل اللي خذت روحي وانا اسمّي
تستاهل اللي بتقى من مشاعرها

قلت لهواها فدتك جروح ياعمّي
جهنّمك جنّه تنعش سعايرها

انشودةٍ ما روى ترديها فمي
ولا روت من غراميات شاعرها

لعلها قبل اقول لقصتي تمي
يوم العزا تختم القصه عبايرها


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر