ياعالم بالبينه - ناصر الشغار

يالله يالي كل حي يراجيه
ياعالم بالبينه والسريره

ان ترحم الي له جنين معاديه
ياحيف كيف ابني غدا لي نحيره

على رجاك ولا احد غيرك ارجيه
الدين والدنيا عليك تعبيره

ابني نزح عني بلا شي مقزيه
ترك هواي وطاع لاريا عشيره

غدت به الي كنها بكره التيه
لاهايفت له قام يطما زميره

نوب يناجيها ونوب تناجيه
وعزي لمن زين الوسايد شويره

شدت على نظو من الزمل تتليه
فوق اشقح يقطع بطانه ضميره

ذيب الطراد انجاه حل القضا فيه
مايسنح المركاض يضرب عويره

خاله وابوه مشبحينه باياديه
ولولا شبوحه كان ماراح ديره

الدرب له مع كل ريع منقيه
والبذر مايختلف نباته بذيره

لين القبايل كلهم خيلو فيه
وخيلته اللي كالمهاة الحذيره

اصايل من فدينا ماتعب فيه
علط الرقاب يسابقن الذخيره

والله يالوهو والدلي ما اخليه
في والدي والله ماطيع المشيره

واتبع هوا نفسه واجي في مراضيه
والعمر صيور الدواير تديره

الحر يقضب ماكره مايخليه
يقطع من النيات نفس تديره

حر ومن ماكر حرار مجانيه
ياحيف يالولاه عمي البصيره

© 2024 - موقع الشعر