حملك ثقيل

دربك خضر يا محمد وأنت لليمّه
تمشي وعينك تناظر راس مشرافي

يا صاحبي منزلك في عالي القمّه
تكرم وتحشم عن اللي منزله هافي

ابشر بعزمٍ قويٍ تدعمه همّه
وان كان حملك ثقيلٍ هذي اكتافي

يالوايلي انت بيرٍ ياكبر جمّه
تروي وتغني قصير البيت واللافي

من لابةٍ وافيه بالعهد والذمّه
ترقى الوعر والخطر لو القدم حافي

كل العرب والقبايل جات ملتمّه
تشرب قراح العطا من كفك الصافي

اللي عشق قد نسى لو سار في دمّه
حبً مضى له ثمان اسنين ينعافي

ياليت من هو جفى ينسى حليب امّه
ومن عاشر اللي جفى بيقول ياكافي

انسى حبيبٍ مضى لو جرعك سمّه
مادام فانوس قلبك ماذكر طافي

جدّد وجدّد غرامك وان نقص تمّه
مع واحدٍ مثل ثوبك للجسم ظافي

غروٍ صغيرٍ ليا من ابتسم فمّه
جرحك تشافى بدون علاج واسعافي

غروٍ صغيرٍ حكمها لو رفع كمّه
يملك حنايا مقرّه قلبك الدافي

قلبك خضر يامحمد وانت للقمّه
عطني يمينك وهذا راس مشرافي

تمت الإضافة بواسطة : سالم ال فروان