امس الضحى - منصور الرمالي

امس الضحى في رأس ظايف تعليت
مافيه حدا يم عاليه حادي

دعاني الهاجس برأسه ولبيت
حييت ياللي بالرقيبه تنادي

خذيت في رأسه دقايق ولاابطيت
وشيطان شعري بالضماير يدادي

قمت اتذكر مامضى واستخفيت
واشتبت النيران داخل فؤادي

ون الجبل من ونتي يوم ونيت
وحركت جو(ن)بالجبل كان هادي

من حر مابي نحفت الحال واذويت
شربي مرار(ن) واشقر اللون زادي

صرت انثر العبره وبينت ماخفيت
اتلي هوى نفسي على غير قادي

ابكي على ربع(ن)بنو واسسو بيت
ماله شبيه(ن) بالجزيره مشادي

البيت ورث(ن) للذي يارث الميت
وشلون يارث مال ميت(ن)معادي

صارت وعن شرح الخطا ماتدريت
في صفحه التاريخ شي(ن) وكادي

ولاني بحال الناس لو قالوا اخطيت
ولاهمني لو قالوا الناس غادي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر