"لا تعاتبني"

بس لا تعاتبني ترى البال مشغول
ما احمل عتابك والليالي طويله

حل الهوى من بيننا حل معقول
اما تشيل الحمل وإلا نشيله

هذي نصيبي عندكم ويش أبا قول
ما عاد عندي ياريش العين حيله

هنيت قلب ما تولع بمجمول
ما ولعنه ناقضات الجديله

لا سايل عنه ولا هو بمسئول
مايعرف إلا مصحفه وتهليله

وانا ذبحني ناعس الطرف مكحول
سنه صغير والوصايف جميله

يلوعني لوع الوحش لابرق الجول
بكر هداده والمراعي مسيله

ويفرني فر اللواعيب للقول
خلا قليبي كورة له عميله

***