لجنة التثمين صارت لي عقوبه
فرقت شمل المحبه وراعيها
يوم جيت وشفت الأبواب مسحوبه
"والدركتر" طوفة البيت واطيها
حارت الأقدام والرجل مقضوبه
والعيون مسبلات عباريها
قلت شيلوني ترى الروح منهوبه
ما نريد المنطقة عقب غاليها
ماعرف وين أهل الزين شدوبه
والمناطق تتعب اللي مشافيها
لاخبر جاني ولاشفت مكتوبه
الله اقوى راجيي انه يسويها
حالتي عقب ادعج العين مصيوبه
كم طبيب شافها مايداويها
ياوجود القلب ياشوفته نوبه
قبل تضي أيامنا مع لياليها
ما يلام القلب ف يحب محبوبه
ساعة الفرقا كبار بلاويها
***

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين